VIDEO/ Iu gjet 2 tonë naftë kontrabandë në shtëpi, e pëson keq 47-vjeçari

0
Gjigandi

Një 47-vjeçar ka rënë në prangat e Policisë së Durrësit, pasi gjatë një kontrolli të ushtruar në banesën e tij në Kashar, iu gjet dhe sekuestrua 2 tonë fatë në një depozitë metalike.

Sipas bluve të qytetit bregdetar, 47-vjeçari e mbante naftën me qëllim për ta tregtuar.

Njoftimi i plotë:

Tiranë / Sekuestrohen 2 tonë naftë e kontrabanduar, vihet në pranga 47-vjeçari që e mbante naftën në një depozitë në banesë, me qëllim tregtimin e saj.

Finalizohet operacioni policor i koduar “Diesel 3”.

RonaTyra

Operacioni, nga Seksioni për Hetimin e Krimit Ekonomik dhe Financiar në DVP Tiranë, në vijim të operacioneve të njëpasnjëshme policore ndaj kësaj veprimtarie kriminale.

Specialistët e Seksionit për Hetimin e Krimit Ekonomik dhe Financiar të DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës së mallrave, bazuar dhe në informacionet e marra në rrugë operative, se një shtetas tregtonte naftë të kontrabanduar, në banesën e tij, në Kashar, organizuan dhe finalizuan operacionin policor të koduar “Diesel 3”.

Si rezultat i këtij operacioni u arrestua në flagrancë shtetasi A. H., 47 vjeç, banues në Kashar, pasi në ambientet e jashtme të banesës së tij u konstatua një depozitë metalike, e mbushur me 2000 litra naftë, të dyshuara të kontrabanduara.

Nga veprimet hetimore ka rezultuar se 47-vjeçari e mbante naftën e kontrabanduar, me qëllim tregtimin e saj.

Materialet i kaluan Prokurorisë, për veprime të mëtejshme procedurale.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu