Periudha që po kalojmë është tipike e shpërthimit të viruseve. Ushqyerja luan një rol të rëndësishëm në mbrojtjen e organizmit nga ftohjet dhe viruset, pasi shumë lëndë ushqyese janë të nevojshme për funksionimin normal të sistemit imunitar, ndërsa të tjerë janë shoqëruar me forcimin e tij natyral.
Shikoni më poshtë se cilat ushqime duhet të përfshini në dietën e fëmijës tuaj për të forcuar “natyrshëm” imunitetin e tij:
Agrumet
Të gjitha frutat janë të nevojshme dhe të rëndësishme. Veçanërisht përmendet portokalli, mandarina, limoni dhe të gjitha agrumet, pasi janë veçanërisht burime të pasura të vitaminës C, e cila kontribuon në trajtimin e infeksioneve, aktivizon prodhimin e antitrupave dhe forcon veprimin e sistemit imunitar.
Perime të verdha
Të gjitha perimet përmbajnë vitamina, minerale dhe elementë gjurmë që forcojnë sistemin imunitar të fëmijës. Megjithatë, perimet e kësaj kategorie, si karotat, patatet e ëmbla, kungulli dhe specat me ngjyrë, dallohen për shkak të përmbajtjes së lartë të karotenoideve dhe vitaminës A, e cila merr pjesë në mbrojtjen e organizmit.
Kosi
Është një nga burimet kryesore të probiotikëve në dietën tonë. Probiotikët mbrojnë sistemin gastrointestinal nga infeksioni, ndërsa të dhënat e hulumtimit tregojnë se ato ndihmojnë në ruajtjen e shëndetit dhe forcimin e sistemit imunitar në tërësi.
