Dëmi mjedisor në Ukrainë i shkaktuar nga pushtimi i Rusisë u vlerësua në rreth 36 miliardë euro, me miliona hektarë rezerva natyrore nën kërcënim, tha ministri i mjedisit i Ukrainës.
Një e pesta e zonave të mbrojtura në Ukrainë është në rrezik shkatërrimi dhe rreth 2,000 raste të dëmtimit mjedisor janë regjistruar tashmë, tha ministri i mjedisit, Ruslan Strilets, në një seancë dëgjimore në Parlamentin e BE-së në Strasburg, Francë.
Sipas vlerësimeve të qeverisë ukrainase, fatura nga ndotja e ajrit të shkaktuar nga lufta në Ukrainë është deri më tani rreth 25 miliardë euro dhe 11.4 miliardë euro të tjera nevojiten për të trajtuar dëmtimin e tokës.
Duke cituar një metodologji të re të zhvilluar nga qeveria ukrainase për llogaritjen e dëmeve, Strilets tha se vetëm lufta shtatë-mujore kishte shkaktuar 31 milionë tonë emetim CO2, afërsisht sasia e prodhuar nga Zelanda e Re në vit.
Ai tha se 79 milion ton të tjerë emetime serrë mund të prodhohen për rindërtimin e infrastrukturës dhe ndërtesave të shkatërruara gjatë luftës.
