Edhe pse po kalon një formë perfekte dhe duket si djalosh i ri, Zlatan Ibrahimovic mund të largohet nga Milani në fund të sezonit.
Lajmin e konfirmon ‘Calciomercato’, e cila raporton se sulmuesi suedez mund të ndryshojë ambient pas përfundimit të këtij sezoni.
Agjenti i tij, Mino Raiola, do të përpiqet t’i sigurojë një lëvizje tjetër Ibrës dhe kjo vjen për shkak të ndryshimeve të mëdha që po ndodhin te Milani kohët e fundit..
Drejtori Zvonimir Boban tashmë është larguar nga klubi, me Paolo Maldinin dhe Federic Massara të vendosur të ndjekin rrugën e tij.
Ibrahimovic i është bashkuar Milanit në merkaton janarit dhe në shtatë paraqitje ka shënuar dy gola, por mesa duket rruga e tij me kuqezinjtë do ndahet shumë shpejt.
