Një student është rrëzuar nga kati i katërt i Fakultetit të Drejtësisë në Universitetin Aristotelios në Selanik.
Ngjarja ka ndodhur sot rreth orës 14:00. Siç raportojnë mediet greke, i riu ka qenë duke ndjekur mësimin në momentin që ra nga dritarja.
Studenti ishte ulur në parvazin e dritares, pasi auditori ishte i mbushur plot.
Sipas dëshmitarëve okularë, salla e leksioneve ishte stërmbushur me studentë, madje shumë prej tyre ishin ulur nëpër korridore dhe në pragjet e dritareve për të ndjekur lëndën.
Aktualisht i riu ndodhet në spital në gjendje të qendrueshme shëndetësore./abc
