Qeveria merr vendimin, rrit me 6% pagat në sistemin arsimor parauniversitar

0
19
Gjigandi

Ministrja e Arsimit Evis Kushi ka njoftuar se do të ketë një rritje të pagave nga 1 korriku në sistemin parauniversitar.

Kushi tha se janë 36700 punonjës që do të përfitojnë, ku shtoi se për herë të parë do rritet paga e punonjësve psikosociale dhe oficerëve të sigurisë.

“Ndihem shumë e privilegjuar që të jap lajmin e mirë për të gjithë punonjësit e sistemit arsimor parauniversitar. Në mbledhjen e qeverisë sot ne finalizuam angazhimin që kemi ndërmarrë që në fund të vitit të kaluar kur miratuam buxhetin. Angazhimi për rritjen me 6% të pagave të të gjithë punonjësve të sistemit arsimor parauniversitar. Janë 36700 punonjës që do të përfitojnë nga rritja e pagave nga 1 korriku. për herë të parë po rritet dhe paga e punonjësve psikosociale dhe e oficerëve të sigurisë.

Do të rritet paga e të gjithë mësuesve, të edukatoreve të kopshteve, të punonjësve të konvikteve, por edhe qendrave kulturore të fëmijëve në të gjitha bashkitë. Do të ketë rritje të orëve suplementare të mësuesve”, tha Kushi.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu