Është identifikuar autori i plagosjes në Shkodër, ku mbetën të lënduar 3 persona.
Mësohet se Aldo Hasani rreth 18 vjeç ka plagosur me thikë 3 bashkëmoshatarë të tij, të cilët po marrin mjekim në spital. Bëhet me dije se një prej të plagosurve është më rëndë dhe është futur në sallën e operacionit.
Ende nuk dihen motive mbi ngjarjen ndërsa policia është vënë në ndjekje të autorit.
Njoftimi i policisë:
Shkodër/Informacion paraprak
Rreth orës 12:30, në lagjen “Qemal Stafa”, në rrethana ende të paqarta, shtetasi A. H., rreth 18 vjeç ka dëmtuar me mjet prerës 3 bashkëmoshatarë të tij të cilët po marrin asistencën mjekësore në spital.
Shërbimet e Policisë janë vënë të ndjekje të autorit dhe po ushtrojnë kontrolle në zonë, me qëllim kapjen e tij.
Gjithashtu, grupi hetimor vijon punën për sqarimin e plotë të rrethanave të kësaj ngjarjeje.
