Halit Nezaj, veprimtar i shquar në të gjitha fushat por mbi të gjitha në sport dhe kontribues i madh.
Nezaj është edhe krahu i djathtë i boksierëve në diasporë, si menaxher dhe afirmues për ta, por ka edhe një propozim interesant.
Sipas tij, Qeveria e Kosovës dhe Komiteti Olimpik i Kosovës, në bashkëveprim, duhet t’i nderojnë figurat më të mëdha sportive që ka Kosova.
Xherdan Shaqiri
“Pse mos ta nderojmë me çmimin ‘Skënderbeu’ ish tai-boksierin e madh Azem Maksutajn. Ky djalë është nga Pozhari i Deçanit. Maksutaj në vitin 1992 shënon rezultatin e tij të parë kulminant duke fituar titullin e parë të kampionit të Zvicrës, pas një viti përsëriti këtë sukses.
Në vitin 1994 sfidon titullin e kampionit Europian të versionit ku fiton kundër Tom Rasmusen. Maksutaj kishte sfiduar edhe titullin e kampionit botërorë të versionit (WMTA – World Muay Thai Association), duke fituar kundër Sebastian Bertalozzi.
Ai ka shumë e shumë suksese. Pastaj futbollistët Xherdan Shaqiri dhe Granit Xhaka, dy zemrat e Kosovës, që luajnë për kombëtaren e Zvicrës, kudo po na zbardhin fytyrën e po na nderojnë. Shaqiri me Liverpoolin e Xhaka me Arsenalin. Për sukseset e tyre e dimë të gjithë.
Halit Nezaj
Është e rrugës që Qeveria dhe Komiteti Olimpik i Kosovës me presidentin Besim Hasani, t‘i nderojnë me çmimin e ‘Gjergj Kastrioti – Skënderbeu’. Nderimi i tyre me këtë çmim do të ishte brilante edhe për vet Qeverinë edhe për vet KOK-un, sepse e nderojnë vetin dhe shtetin e Kosovës”, – tha Nezaj për gazetën kombëtare “Bota sot”.
