Ditën e sotme (e shtunë) janë bërë një vit që ka ndërruar jetë humoristi Rasim Thaçi-Cima.
Në njëvjetorin e vdekjes, ai është përkujtuar nga miku i tij i ngushtë njëherësh bashkëpunëtori prej vitesh, Sevdai Radogoshi-Qumili.
Ky i fundit ka shpërndarë disa fotografi të tyre të përbashkëta në rrjete sociale duke e falënderuar për momentet e bukura që ka dhuruar në kinematografinë kosovare.
Foto: Screenshot/Facebook
“Sot një vit u nda nga kjo jetë Rasim Thaqi-Cima! Një njeri me zemer të madhe, një shok, mik, human dhe gjithmonë i gatshëm të jepte dhe piken e fundit nga vetvetja për me i ba tjert me qeshë”, ka thënë ai.
“Gjithmonë falënderues për momentet e bukura që na dhuroj ky artist i madh! Do të kujtojmë gjithmonë, mbreti humorit”, vazhdoi më tej Radogoshi.
Cima vdiq më 26 mars të vitit 2021, ndërkohë që ndodhej në spital për shkak se ishte i infektuar me coronavirus.
Djali i tij, Artan Thaçi, në një intervistë dhënë për abc24.aln ka folur më shumë për atë periudhë dhe për momentet e fundit të aktorit.
/abc24.al/
