Një 53-vjeçar është arrestuar në Kukës, pasi rezultonte i shpallur në kërkim për trafikim automjetesh.
Mësohet se shtetasi Blerim Bekqeli është dënuar me 5 vite burgim nga Gjykata për veprën penale “Trafikimi i mjeteve motorike”.
Njoftimi i policisë:
Në PKK Morinë, në dalje të RSH, shërbimet e Policisë Kufitare, në bashkëpunim me homologët kosovarë, si rezultat i kontrolleve me përzgjedhje, kanë ndaluar shtetasin e shpallur në kërkim ndërkombëtar:
Blerim Bekqeli, 53 vjeç, banues në Pejë, Kosovë.
Gjatë përpunimit dhe verifikimit të të dhënave në sistem, ky shtetas ka rezultuar person në kërkim nga Komisariati i Policisë Tropojë, pasi Gjykata e Shkallës së Parë Tropojë e ka dënuar me 5 vjet burgim, për veprën penale “Trafikimi i mjeteve motorike”. Në vitin 2009, 53-vjeçari ka trafikuar një automjet të vjedhur në Serbi dhe ia ka shitur atë një shtetasi tjetër.
