Reperi Lil Keed ndërroi jetë të premten mbrëma (13 maj), konfirmoi vëllai i tij Lil Gotit.
Keed, emri i plotë i të cilit ishte Raqhid Jevon Render vdiq në moshën 24-vjeçare.
Ai ishte më i njohur për punën me Travis Scott dhe Chris Brown në albumin e tij më të fundit, “Trapped on Cleveland 3”, shkruan
DailyMail.
“Nuk mund të besoj që të pashë të vdisje sot, vëlla, bëra të gjitha të qarat e mia, e di se çfarë dëshiron të bëj dhe kjo është të rri pranë nënës, babait dhe vëllezërve tanë Naychur dhe Whiteboy”, tha Lil Gotit në një postim për të njoftuar vdekjen e tij.
Shkaku i vdekjes së Lil Keed është akoma i paqartë, teksa ai do të performonte në Karolinën e Veriut të shtunën mbrëma.
Foto: WireImage
Menjëherë pas publikimit të lajmit, fansat e reperit me bazë në Atlanta dolën në rrjetet sociale për të reaguar dhe ndarë ngushëllimet e tyre.
Ndërkohë, e dashura shtatzënë e Keed, Quana Bandz, ndau një postim prekës në Instagram.
“Të dua shumë, çfarë të bëj pa ty, nuk mund të marr frymë siç duhet, fle mirë, as nuk dua të flas me askënd Keed, nuk mund ta përballoj këtë. Çfarë duhet t’i them Naychur? Çfarë t’i them fëmijës tonë? Keed sapo të thashë një ditë më parë, nëse do më lije me këta dy fëmijë, do të humbja mendjen dhe mendja ime humbi”, ka shkruar partnerja e tij ndër tjera.
Vdekja e Keed vjen vetëm disa ditë pasi mentori Young Thug dhe shoku i tij reperi Gunna u arrestuan me akuza të lidhura me bandën në Atlanta.
Të dy u emëruan në një padi gjithëpërfshirëse të bandës me shumë reperë të tjerë nga labeli.
Sipas NYT, aktakuza pretendonte se YSL ishte “një bandë kriminale rrugore përgjegjëse për vrasje, grabitje, shpërndarje droge dhe më shumë”. /
abc24.al/
