Vdekja në moshën 54-vjeçare e Mino Raiola ka tronditur botën e futbollit. Mesazhet e lojtarëve të tij nuk kanë reshtur në formë homazhi. Njëri prej tyre është veçanërisht emocionues. Matthijs de Ligt ka publikuar një letër në rrjetin e tij social, duke nderuar atë që ishte përfaqësuesi i tij.
Ai që e bëri të nënshkruante një kontratë të shkëlqyer me Juventusin (operacioni ishte rreth 75 milionë euro), kur ishte ende një lojtar thjesht premtim tek Ajax. Lojtari i Juventusit është shkatërruar nga humbja e Mino-s, të cilin e konsideronte “mikun e tij më të mirë”.
“Dikush, të cilit mund t’i kërkoja gjithmonë ndihmë, që ishte gati të luftonte për mua, por edhe dikush me të cilin mund të flisja për jetën në përgjithësi. Dikush që dinte aq shumë për disa gjëra”, – pranon holandezi. Përveç kësaj, qendërmbrojtësi premton t’ia kthejë të gjitha ato favore. “Të premtoj se do të kujdesemi për gjithçka që ke dashur, ashtu siç bëre me ‘fëmijët’ e tu”.
E qartë është se De Ligt do të vazhdojë të punojë me agjencinë e përfaqësimit që drejtoi Raiola. Është ende në ajër se kush do ta marrë drejtimin e saj. Dy opsione po shqyrtohen: Rafaela Pimenta, avokatja dhe krahu i djathtë i tij, ose Enzo Raiola, gjithashtu një agjent i regjistruar në FIFA dhe kushëri i Mino-s.
Ja letra e plotë e De Ligt për Mino Raiola: “I dashur Mino, sinqerisht nuk jam gati ta shkruaj këtë mesazh dhe mendoj se nuk do të jem kurrë. Është shumë shpejt për ne lojtarët, për familjen tuaj, por veçanërisht për ju. Kishit kaq shumë ëndrra për të përmbushur, ende shumë gjëra për të bërë.
Mendova se ishe i çmendur kur më tregoje gjërat që kishe planifikuar, por në fund kishe gjithmonë të drejtë. Ju e dinit se si funksiononte kjo botë. Asgjë nuk është e pamundur dhe ju ia treguat këtë gjithë botës.
Kur të takova e dija se ishe një person i veçantë. Krejt ndryshe nga unë, por kishim një gjë të përbashkët. Ne donim ta bënim punën tonë në mënyrën më të mirë të mundshme dhe të jepnim gjithçka në jetë. Ju keni luftuar për lojtarët së bashku me skuadrën tuaj dhe për këtë ju kanë dashur të gjithë.
Sepse është ashtu siç ke thënë gjithmonë: ata janë fëmijët e mi, familja ime. Dhe tani është koha për të ndërruar rolet. Ju bëtë gjithçka për ne. Tani ne duhet të bëjmë gjithçka për njerëzit që keni dashur më shumë, familjen tuaj.
Ju premtoj se do të kujdesemi për gjithçka që keni dashur, ashtu siç keni bërë me ‘fëmijët’ tuaj. Ashtu si kur thoje se ishe i keqi, që dilje kundër të gjithëve për mua, se ishe agjenti im, por mbi të gjitha shoku im më i mirë. Jam i sigurt se një ditë do të mund t’ju kërkoj më shumë dhe do t’ju përqafoj përsëri, sepse tashmë më mungon shumë. Të dua Mino!”
