Grabitën banesën e të moshuarës, arrestohen 2 persona në Kuçovë

0
Gjigandi

Dy persona kanë rënë në prangat e policisë së Kuçovës, pasi kanë grabitur një banesë.

Burime për mediat bëjnë me dije se dy autorët kanë vjedhur me forcë në banesën e një shtetaseje të moshuar, një shumë parash, 1 telefon dhe 1 laptop.

Njoftimi i policisë:

Kuçovë/Vijon puna për goditjen e veprimtarisë kriminale të vjedhjes së pronës dhe pasurisë.

Vodhën me forcë një shumë parash, 1 telefon dhe 1 laptop, në banesën e një shtetaseje të moshuar, identifikohen dhe vihen në pranga brenda pak orësh, 2 autorët e dyshuar.

Njëri nga autorët e dyshuar, i dënuar më parë për të njëjtën veprimtari kriminale.

Sekuestrohet shuma e parave dhe sendet e vjedhura.

Specialistët për Hetimin e Krimeve të Komisariatit të Policisë Kuçovë, në vijim të punës për goditjen e paligjshmërive në fushën e vjedhjes së pronës dhe pasurisë, identifikimin, kapjen dhe vënien e autorëve përpara përgjegjësisë ligjore, pas njoftimit të marrë për vjedhje në një banesë, kanë organizuar menjëherë punën për identifikimin dhe kapjen e autorëve.

Bazuar në provat e grumbulluara nga veprimet hetimore, shërbimet e Komisariatit të Policisë Kuçovë kanë kapur dhe arrestuar autorët e dyshuar, shtetasit E. H., 39 vjeç dhe E .B., 33 vjeç (i dënuar më parë për veprën penale “Vjedhja”).

Gjithashtu, shërbimet e Policisë gjetën dhe sekuestruan në cilësinë e provës materiale, shumën e parave, telefonin dhe laptopin që këta shtetas kishin vjedhur në banesën e së moshuarës.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu