Një 66-vjeçar është arrestuar në Gjirokastër, pasi vidhte mjete pune pranë një biznesi.
Mësohet se shtetasi me iniciale B. Ç., ka vjedhur 1 pompë uji dhe mjete të ndryshme pune.
Njoftimi i policisë:
Nga shërbimet e Stacionit të Policisë Memaliaj u arrestua në flagrancë shtetasi B. Ç., 66 vjeç, banues në fshatin Kalivaç, Memaliaj, pasi nga veprimet hetimore rezultoi se ka vjedhur 1 pompë uji dhe mjete të ndryshme pune, në biznesin (gurore) e shtetasit V. C., banues në fshatin Kalivaç, Memaliaj.
Gjatë kontrollit të ushtruar në banesën e shtetasit B. Ç. u gjetën dhe u sekuestruan në cilësinë e provës materiale sendet e vjedhura.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
