Edhe pse vijon të jetë i angazhuar me botime, përkthime, Edmond Tupe, prej vitesh është një akademik në pension.
E ndërsa po jetojmë në kohë të vështira ekonomike, me çmimet që ngrihen çdo ditë, Tupja i ftuar në Rtv Ora me gazetaren Beti Njuma thotë se nuk mungojnë rastet që i duhet të gënjejë sa e ka pensionin kur shikon pensionistë të tjerë që mbijetojnë me gjysmë pensioni qesharak.
Tupe:
Më vjen turp kur më pyesin sa e ke pensionin kur shoh një komshi që e ka 10 mijë lekë, gënjej, nuk mund ti them që e kam 4-5 fishin e tij. Më vjen turp, nuk ndihem mirë. Ka njerëz që kanë gjysmë pensioni 6500 lekë, është e tmerrshme.
Kjo kategori qytetarësh u përfshi në paketën e krizës që qeverisë, por Tupja e konsideron teatër.
Tupe:
Është një show, teatër për ti siguruar njerëzit që gjendja do të vijë duke u përmirësuar. Statistikat tregojnë se ka varfëri, ka njerëz që janë pa shtëpi. Sa vijnë e shtohen problemet. Nuk e di ku do shkohet kështu, çfarë duhet bërë për të dalë nga kjo gjendje.
