Po. Dashuria lind nga detajet e vogla dhe vdes nga mungesa e tyre. Ndodh shpesh që pas disa vitesh martese dhe me ardhjen e fëmijëve, çifti të kalojë në momente krize. Kjo ndodh për faktin se jeta e përditshme zë vendin e atyre pak detajeve, mendimeve, vëmendjeve që e bënë dashurinë të lulëzojë.
Është e vërtetë: dashuria lind nga detaje të vogla dhe ka tendencë të zvogëlohet nëse i harrojmë ato. Imazhet, këngët, surprizat janë ato ngjyra që e bëjnë një marrëdhënie të gjallë dhe të mahnitshme. Me kalimin e kohës, për shumë çifte të ndikuar nga lindja e fëmijëve dhe marrja e përgjegjësive të vazhdueshme, ato detaje të vogla duket se zhduken. Dhe, bashkë me to edhe dashuria humbet ngarkesën e saj të entuziazmit dhe forcës lëvizëse.
Prandaj, shumë njerëz pyesin veten: a ka mbaruar dashuria?
Në shumë raste nuk është ky rasti. Është e nevojshme vetëm të mbani mend se kjo ndjenjë ka gjithashtu nevojë për kujdes, angazhim. Nëse është e vërtetë që dashuria lind dhe forcohet me detajet e vogla, janë pikërisht këto që nuk duhet të harrohen.
Dashuria lind nga detajet e vogla dhe vdes nga mungesa e tyre. Si ta parandaloni atë që të marrë fund?
Prish rutinën
Të gjithë jemi gjithmonë me nxitim dhe të mbingarkuar me angazhime. Puna, punët e shtëpisë, shkolla. Një nga detajet që ndihmon për të mos humbur fillin e hollë dhe të padukshëm në marrëdhënien në çift është prishja e rutinës herë pas here. Një aperitiv relaksues, një mbrëmje në kinema, sjell çiftin përsëri në origjinën e tyre dhe këto devijime janë të afta për të dhënë vrull dhe mundësi të reja.
Kujtoni partnerin tuaj me mesazhe të thjeshta
Në ditët e sotme ne jetojmë praktikisht në simbiozë me smartphone-in tonë, duke regjistruar lëvizje dhe postuar foto. Atëherë pse të mos e përdorni këtë për t’i dërguar një mesazh partnerit? Kujtojini atij se ai është në mendimet tona, dhe se ai është gjithmonë i pranishëm në ditët tona.
Mbani gjithmonë gjallë disa sekrete të çiftit
Çdo çift ka historinë e tij, të ndërtuar me disa sekrete që e bëjnë unike. Kujtimi i tyre, mbajtja e tyre gjallë, është një nga ato detajet e vogla që lejojnë dy persona të mos harrojnë udhëtimin e bërë së bashku.
Prandaj, nuk ka goditje të shkopit magjik, por këshilla është që të mbani mend se dashuria është si një zjarr që gjithmonë duhet të ushqehet dhe të mbahet gjallë.
