Dalin pamjet! Atentat me dy të vdekur në Durrës, emrat e viktimave.

0
Gjigandi

Dy persona të vdekur në një atentat të mirëllogaritur.

Është ky bilanci tragik në Durrës. Ngjarja e rëndë ka ndodhur në lagjen numër 14 në Shkozet të Durrësit.

Mësohet se dy viktimat janë qëlluar me breshëri kallashnikovi nga një makinë në lëvizje. Autorët kanë qëlluar dy djemtë teksa ata po ecnin në këmbë.

Njëri prej viktimave mësohet se është shtetasi Anxhelo Avdia, ndërsa identiteti i viktimës së dytë është 35 vjeçari Dorjan Shkoza. Ky i fundit mësohet se është qëlluar në kokë dhe ka vdekur në vend. Gjithashtu rezulton se i riu ishte dënuar më parë për trafik droge.

NJOFTIMI I PLOTË:

RonaTyra

Më datë 02.03.2020, rreth orës 18:55, në lagjen nr. 14, Nishtulla, Durrës, në rrugën afër tregut të perimeve, në rrethana akoma të paqarta kanë humbur jetën shtetasit D. Sh, 35 vjeç dhe A. A, dyshohet me armë zjarri.

Menjëherë në vendngjarje kanë mbrritur forca të shumta policie, si dhe grupi hetimor. Janë ngritur pika kontrolli dhe është rrethuar zona në një perimetër të gjerë.

Pika kontrolli janë ngritur edhe nga DVP Tiranë e Fier në aksin rrugor Durrës-Tiranë e Durrës-Lushnjë. Në mbështetje të Policisë vendore janë nisur dhe grupe të FNSH-së së Tiranës, për krehjen e zonës.

Paraprakisht dyshohet se është qëlluar nga një automjet në lëvizje. Shërbimet e Policisë kanë mundur të identifikojnë targat dhe janë vënë në ndjekje të autorëve.

Për zbardhjen e ngjarjes, në ndihmë të grupit hetimor po shkojnë specialistët e Krimeve të Rënda në Departamentin e Policisë Kriminale.

Grupi hetimor, nën drejtimin e Prokurorisë, po vijon veprimet në vendngjarje, duke grumbulluar dhe fiksuar çdo provë sado të vlefshme që do t’i shërbejë zbardhjes së ngjarjes.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu