Alarm për bombë në disa shkolla në rajonin e Gjilanit

0
10
Gjigandi

Në orët e hershme të mëngjesit të sotëm, disa shkolla në rajonin e Gjilanit kanë marrë alarmin për bombë. Alarmi është dërguar në shkollat në Novobërdë, Kamenicë e Ranillug, përmes emailit.

Lajmi është konfirmuar nga zëdhënësi i policisë për rajonin e Gjilanit, Ismet Hashani.

“Në orët e hershme të mëngjesit të sotëm Policia e Kosovës ka pranu informata nga përgjegjësit e disa shkollave të komunës së Novobërdës, Kamenicës dhe Ranillugut , se përmes Email adresave zyrtare të këtyre shkollave kanë pranuar informatë se ka të vendosura bomba ( mjet shpërthyes). Për momentin nuk ka vend për panik. Policia e Kosovës dhe njësitet e IEDD kanë dalë në vendin e ngjarjes, dhe janë duke i hetuar rastet veç e veç”, ka thënë Hashani.

Alarm për bomba ka pasur edhe në shkollat në veri të vendit, si dhe mësimi është ndërprerë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu