Gjykata dënoi këtë të mërkurë me 17 vite heqje lirie biznesmenin italian Francesko Beccheti.
Akuzat që rëndonin në drejtim të tij janë ato të pastrimit të parave dhe shpërdorimit të detyrës duke vjedhur.
Përkatësisht, Becchetti u hetua për katër vepra penale, ajo e “Vjedhjes duke shpërdoruar detyrën”, “Pastrimit të produkteve të veprës penale ose veprimtarisë kriminale”, “Falsifikim Dokumentesh” dhe “Krijimi i skemave mashtruese lidhur me tatimin mbi vlerën e shtuar”.
Gjykata dënoi edhe Mauro De Renzis si bashkëpunëtor të Becchettit me 16 burg, Liljana Kondomiti 8 vite, Erjona Troplini 8 vjet
Gazetarja Anila Hoxha raporton se gjykata ka dënuar dhe shoqëritë “Kalivaçi”, “ESL Green” dhe “Energy System”.
Ndërkohë, Becchetti vijon të jetë në arrati dhe ndaj tij është caktuar një mandat arresti ndërkombëtar.
