Ish-ministri i Drejtësisë Ylli Manjani ka reaguar në lidhje me çështjen e Presidentit të ri dhe marrjen ose jo pjesë në këtë proces të opozitës.
Nëpërmjet një postimi në rrjetin social “facebook”, Manjani shkruan se e di mirë që Rama i ka votat pët të zgjedhur Presidentin e Republikës, por gjykon se Partia Demokratike e LSI dhe PDIU duhet të paraqesin një kandidat.
Postimi i plotë i Manjanit:
E di fort mirë që Edi Rama i ka votat për ta zgjedhur vetë Presidentin e Republikës.
E di gjithashtu që ndryshimet kushtetuese katastrofike të 2008-ës, hoqën detyrimin për patur një President konsensual.
Ashtu siç e kam krejt të qartë që Edi Rama ka emëruar edhe opozitën parlamentare, për të bërë procese fallco. (Kemi një datë votimi por skemi kandidatë….)
Pooooor, megjithatë, gjykoj se Partia Demokratike dhe LSI, PDIU e parti të tjera të opozitës (duke përjashtuar fallco-opozitën e AliBashës) duhet të paraqesin një kandidat.
20 deputetë kanë të drejtë të paraqesin një kandidat. 20 e më shumë deputetë të opozitës së vërtetë kanë mundësi të paraqesin një emër për të qenë, që realisht të bënte dallimin. Këto numra janë.
Le të mos e votojë Edi Rama dhe AliBasha, por ama opozita do shkëlqente në publik.
Nga ana tjetër do ti jepej një goditje përfundimtare idesë së bojkotit. Për këtë PD miratoi edhe një rezolutë politike, që dënohej bojkoti.
Realisht nuk shoh asnjë arsye përse PD dhe Opozita reale të mos kontribuojnë në këtë proçes.
Pjesmarrja me një kandidat, nuk e bën burrë të mirë Ramën e as të pranueshme qeverisjen e Tij. Përkundrazi, kandidati/ja do bënte dallimin me qeverinë moniste edhe më thellë.
Unë kështu e gjykoj./abc24.al
