Është zbardhur identiteti i viktimës në Fushë-Krujë. Bëhet fjalë për 34-vjeçarin Indrit Ndoj, i cili është gjetur nga familjarët e tij në një kanal, teksa po shkonin në punë. Dyshohet se i riu është vrarë, pasi në këmbën e tij, ka plagë që dyshohet të jenë shkaktuar nga armë zjarri.
Ndoji dhe familja e tij nuk raportohet të kenë konflikte, por ende mbeten të paqarta rrethanat sesi ka ndodhur kjo ngjarje. Ngjarja dyshohet të ketë ndodhur gjatë natës pasi i riu banonte në një shtëpi në fshatin Hasan i vetëm, ndërsa familja në një banesë në lagjen Bakushe Visha.
U mësua se Ndoj ishte një person me precedentë penal, pasi më aprë është arrestuar për transportimin e emigrantëve të paligjshëm.
