Një aksident i rëndë ka ndodhur sot në aksin rrugor Rrogozhinë-Elbasan, në vendin e quajtur “Bishti i Zhurit”, ku një kamion është përplasur me një automjet tip ‘Benz’.
Si pasojë e kësaj tragjedie kanë mbetur të vdekur katër viktima, nga dy që u raportuan fillimisht. Mësohet se trupat e të aksidentuarve ndodhen ende në automjet, pasi ky i fundit ka pësuar dëmtime të mëdha nga përplasja me kamionin. Raportohet se viktimat janë pjesëtarë të një familje, ku është kërkuar ndërhyrje e specializuar për nxjerrjen e tyre nga hekurat e makinës
Policia ndodhet në vendin e ngjarjes dhe po heton për rrethanat e aksidentit.
