Kanë mjaftuar pak milimetra shi për të shkaktuar probleme me qarkullimin e mjeteve në aksin rrugor Elbasan-Librazhd.
“Rruga është bërë e kalueshme vetëm në 1 korsi”, shkruhet në njoftimin e Autoritetit Rrugor Shqiptar.
Postimi i plotë:
“Ka pasur reshje shiu me intensitet shumë të lartë në në aksin rrugor Librazhd-Elbasan, për pasojë pati dhe rënie gurësh në trup të rrugës.
Kompania e mirëmbajtjes është ndodhur menjëherë në terren dhe po punohet në gjithë gjatësinë pranë Murashit me fadroma dhe punëtorë.
Rruga është bërë e kalueshme vetëm në 1 korsi”.
Burimi: top-channel.tv
