Pelé është tashmë histori e futbollit. Për rekordet dhe çmimet e panumërta që mori në karrierën e tij të gjatë, braziliani farkëtoi një legjendë të Kupës së Botës me Brazilin. Aq sa sot është ende e pamundur të imagjinohet madhështia e “Canarinha” pa kontributin yllit të ndjerë brazilian.
Pelé mori pjesë në katër Botërorë (1958, 1962, 1966 dhe 1970) dhe fitoi tre prej tyre (1958, 1962 dhe 1970), duke qenë futbollisti me më shumë trofe të tillë në histori. Nuk e bëri vetëm, por me emra të mëdhenj në historinë e futbollit si Mário Zagallo, Garrincha, Didí, Vavá, Nilton Santos, Djalma Santos, Rivelino apo Tostão. Por, pa dyshim, Pelé ishte figura që shkëlqeu më së shumti në të paktën dy Botërorë: 1958 dhe 1970.
Në vitin 1962 ai mundi të luante vetëm dy ndeshje, në të cilat shënoi një gol, përpara se të lëndohej kundër Çekosllovakisë. Vetëm në vitin 2007, FIFA i dha medaljen e kampionit të atij kampionati, pasi në atë kohë ndahej vetëm për futbollistët që luanin në finale.
Ai titull, i pafituar në fushë pas ndeshjes së tretë, ishte në kontrast me ato të viteve 1958 dhe 1970. Në vitin 1958, Pelé e zbuloi veten para botës. Në moshën 17-vjeçare, ai ishte kyç së bashku me Garrincha për t’i dhënë vendit të Amerikës së Jugut titullin e parë në histori.
“O Rei” u shfaq në stadiumet e Suedisë më 1958, në Kupën e parë të Botës, e transmetuar në televizion në Evropë. Aty u dëshmua se ishte një fenomen. Në vitin 1962 pësoi një dëmtim që e la jashtë, pas ndeshjes së dytë, por në vitin 1970 përfundoi duke u njohur si Kupa e Botës së Pele. Tashmë i pjekur, ai ishte ylli i madh i kombëtares braziliane. Pas Kupës së Botës 1966, në të cilën Brazili u eliminua në fazën e parë, Pelé donte të hakmerrej dhe ia arriti katër vite më vonë.
Pothuajse në moshën 30-vjeçare dhe në pikën më të lartë të karrierës së tij dha leksione shënimi (4 gola). Gjithashtu realizoi golin më të mirë në historinë e futbollit, kundër Uruguajit. Brazili mban zi për golashënuesin më të mirë në historinë e tij (77 gola) së bashku me Neymar dhe futbollistin më fitues të Kupave të Botës (3).
