Një 48-vjeçar është arrestuar nga Policia e Elbasanit, pasi ka përplasur me makinë një 72-vjeçar, i cili po lëvizte me biçikletë.
I moshuari ndodhet në spital, nën kujdesin e mjekëve.
Njoftimi i plotë:
Specialistët e Qarkullimit Rrugor arrestuan në flagrancë shtetasin Ç. M., 48 vjeç, banues në Elbasan, pasi duke drejtuar automjetin, ka aksidentuar në lagjen Shënkoll, shtetasin R. B., 72 vjeç, i cili po lëvizte me biçikletë. 72-vjeçari ndodhet në spital, nën kujdesin e mjekëve.
Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
