Departamentet e urgjencës gjithmonë përdorin oksimetrin për të monitoruar nëse një pacient ka nevojë për oksigjen. Por një numër në rritje i kërkimeve sugjeron se këto pajisje, të cilat mbërthehen në majën e gishtit të pacientit për të matur nivelet e oksigjenit në gjak, mund të mos funksionojnë aq mirë te njerëzit me ngjyrë.
Administrata Amerikane e Ushqimit dhe Barnave po shqyrton hapat e ardhshëm për rregullimin e pajisjeve të oksimetrit, të cilat mund të japin lexime më pak të sakta për njerëzit me ngjyrë.
Një panel i Komitetit Këshillues të Pajisjeve Mjekësore u mblodh në nëntor për të shqyrtuar të dhënat klinike mbi këtë çështje. Oksimetrat funksionojnë duke dërguar dritë përmes gishtit tuaj; një sensor në anën tjetër të pajisjes merr këtë dritë dhe e përdor atë për të zbuluar ngjyrën e gjakut tuaj.
Gjaku i kuq i ndezur është shumë i oksigjenuar, por gjaku blu ose vjollcë është më pak i tillë. Sipas CNN, nëse pajisja nuk është e kalibruar për tone të errëta të lëkurës, melanina, e cila është përgjegjëse për pigmentimin e lëkurës, flokëve dhe syve, mund të ndikojë në mënyrën se si drita absorbohet nga sensori, duke çuar në lexime të gabuara të oksigjenit.
