Një armë pa leje është kapur në aeroportin Fort Lauderdale-Hollywood të Floridës.
Mediat e huaja bëjnë me dije se arma është kapur brenda një pule të papërpunuar, ku pasagjeri po përpiqej ta kalonte atë përmes udhëtimit me avion. Mësohet se arma është pikasur përpara se udhëtari të hipte në bord, ku kjo e fundit ishte brenda zogut dhe e mbështjellë në paketim letre.
Sakaq oficerët e kanë përdorur këtë ngjarje për ‘meme’ në rrjete sociale, duke e shpërndarë pulën e cila mbante armën brenda.
