Gjykata e Elbasanit ka nxjerrë nga qelia dy mjekët dhe laborantin nga Fieri, të cilët mjekuan në banesë, Nuredin Dumanin, që kishte mbetur i plagosur në përplasjen me armë në Elbasan.
Të tre të akuzuarit ishin shprehur gjatë marrjes në pyetje se nuk e njihnin personin e plagosur dhe nuk mund të mos i jepnin ndihmën e parë.
Ditën e sotme gjykata e Elbasanit, vendosi ti lirojë dhe ti lejë në ‘arrest shtëpie’ dhe detyrim paraqitje.
Kirurgu Juljan Gjeco është lënë në masën e sigurisë ‘detyrim paraqitje’.
Juljan Malaj, ndihmës mjek është lënë në ‘arrest shtëpie’.
Bledi Bërdalla, laborant është lënë në ‘arrest shtëpie’.
