Lejuan 29 ndërtime pa leje, arrestohen 4 ish-inspektorët e IMTV-së në Lushnje

0
Gjigandi

Policia e Lushnjës ka arrestuar për punonjës dhe ish-punonjës të IMTV-së së bashkisë Lushnjë, pasi kanë lejuar që të ndërtohen 29 objekte pa ;eje dhe nuk është marrë asnjë masë. Po ashtu ata nuk kanë marrë masa për ndëshkimin administrativ të shtetasve që kanë ndërtuar pa leje.

Të ndaluarit do të akuzohen për veprat penale “Shpërdorimi i detyrës”.

Njoftimi i plotë:

Lushnjë / Finalizohet operacioni i koduar “Building”, si rezultat i hetimeve proaktive në bazë të referimeve nga Komisariati i Policisë Lushnjë, me objekt ndërtimet e paligjshme.

Si rezultat i një hetimi proaktiv, disamujor, të referuar nga Komisariati i Policisë Lushnjë, nën drejtimin e Prokurorisë së Lushnjës, u finalizua operacioni policor i koduar “Building”, në kuadër të të cilit u zbatua urdhri i prokurorit, për ekzekutimin e vendimit penal të datës 17.10.2022, të Gjykatës së Shkallës së Parë Lushnjë, e cila ka caktuar masa sigurimi, për punonjës dhe ish-punonjës të IMTV-së së bashkisë Lushnjë, konkretisht për shtetasit:

-I. B., 62 vjeç, Xh. Z., 60 vjeç, K. S., 63 vjeç dhe Gj. M., 66 vjeç, të katërt banues në Lushnjë.

Gjykata ka caktuar ndaj këtyre shtetasve masat “Pezullimi i ushtrimit të një detyre a shërbimi publik“dhe “Detyrimi për t’u paraqitur“, për kryerjen e veprës penale “Shpërdorimi i detyrës”. Këta shtetas, gjatë viteve 2021 dhe 2022, duke shpërdoruar detyrën, kanë lejuar ndërtimin pa lejet përkatëse, të 29 objekteve në territorin e bashkisë Lushnjë, kryesisht banesa dhe biznese, si dhe nuk kanë marrë masa për ndëshkimin administrativ të shtetasve që kanë ndërtuar pa leje.

Materialet i kaluan Prokurorisë, për veprime të mëtejshme procedurale.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu