Kjo makinë sportive luksoze Lamborghini është kapur nga radarët e policisë rrugore duke udhëtuar me 236 km/h në një autostradë ku shpejtësia maksimale e lejuar është 110 km/h.
Sapo u konstatua shpejtësia marramendëse, mjeti u ndalua nga punonjësit e policisë rrugore.
Efektivat i komunikuan drejtuesit shkeljen që kishte kryer duke i treguar edhe shpejtësinë e lartë me të cilën udhëtonte.
Ndaj shoferit u mor masa administrative e pezullimit të lejes së drejtimit dhe u nxorr në komision.
Vetëm gjatë mëngjesit të së shtunës, policia rrugore ka hequr 21 patenta gjatë monitorimit të lëvizjes përgjatë aksit nacional Tiranë-Vlorë.
