Ngrohtë e me diell ditën e shtunë, të dielën me riga lokale shiu pasdite. Javën e ardhshme rënie e temperaturave, e priten edhe reshje bore të martën, shkruan Prishtina Weather.
Ditën e diel do të ketë shtim të vranësirave, që më vonë japin kushte edhe për riga lokale shiu. Vranësirat mbesin dominuese edhe ditën e hënë, e në mbrëmje me reshje lokale shiu në perëndim të vendit. Pas mesnate, mëngjesin e së martës kalimi i një fronti të ftohtë sjell ndryshim të situatës meteorologjike, me rënie të temperaturave e reshjet e shiut edhe shndërrohen në reshje bore, por që deri në mesditë pushojnë. Të mërkurën do të ketë edhe intervale me diell, e më vonë vranësira.
Qarkullimi më i mirë ajror orëve të pasdites, në ditë vijuese, mund të mbajë ndotësit ajror më të shpërndarë, e indeksi i cilësisë së ajrit të kaloj në vlera të pranueshme, mirëpo orëve të mbrëmjes nën dominimin e qetësisë, vende-vende ndotësit mbeten pranë sipërfaqes, e indeksi kalon edhe në vlera të dobëta e shumë të dobëta.
19.02 – Kryesisht me diell dhe më ngrohtë gjatë ditës. Pasdite dhe në mbrëmje gradualisht shtohen vranësirat.
20.02 – Kryesisht me vranësira, e pasdite më vonë dhe mbrëmje priten edhe riga lokale shiu.
21.02 – Kryesisht me vranësira e intervale me diell gjatë ditës. Në mbrëmje nga perëndimi i vendit priten mundësi për reshje lokale shiu.
22.02 – Më ftohtë, kryesisht me vranësira dhe erë veriore. Herët në mëngjes priten edhe reshje bore, nga Dukagjini shiu, që deri nga mesdita pushojnë.
23.02 – Diell, dhe vranësira më vonë në mbrëmje.
Temperaturat minimale luhaten ndërmjet 0C e 3C. Ndërsa maksimalet, prej 16C ditën e shtunë, zbresin edhe në 12C e 14C të dielën e të hënën, e të martën zbresin në 5C.
Erërat frynë të lehta dhe mesatare nga jugperëndimi 4-13m/s, e të martën nga krahu verior me hove deri në 15m/s.
Shtypja atmosferike me tendencë të rënies edhe nën vlera normale.
