Një numër në rritje i kompanive të mëdha amerikane kanë thënë se do të mbulojnë kostot e udhëtimit për punonjësit që duhet të largohen nga shtetet e tyre për të kryer abort, në një vend tjetër ku kjo nuk është e ndaluar me ligj. Këto politika të reja mund t’i ekspozojnë bizneset ndaj padive dhe madje edhe përgjegjësive të mundshme penale, thanë ekspertët ligjorë. .
Amazon.com, Apple, Lyft , Microsoft dhe JPMorgan Chase & Co ishin ndër kompanitë që njoftuan planet për të ofruar këto përfitime nëpërmjet planeve të tyre të sigurimit shëndetësor në pritje të vendimit të Gjykatës së Lartë të SHBA-së që vendosi të premten të përmbyste vendimin historik të 1973 që kishte legalizuar abortin në mbarë vendin.
Brenda një ore nga publikimi i vendimit, shefi ekzekutiv i Conde Nast Roger Lynch i dërgoi një memo stafit duke njoftuar një politikë të rimbursimit të udhëtimit dhe duke e quajtur vendimin e gjykatës “një goditje dërrmuese për të drejtat riprodhuese”. Ëalt Disney Co zbuloi një politikë të ngjashme të premten, duke u thënë punonjësve se e njeh ndikimin e vendimit të abortit, por mbetet e përkushtuar për të ofruar akses gjithëpërfshirës në kujdesin shëndetësor cilësor, sipas një zëdhënësi.
Kompanitë duke përfshirë sigurimin shëndetësor Cigna Corp , Paypal Holdings Inc , Alaska Airlines Inc dhe Dick’s Sporting Goods Inc njoftuan gjithashtu politikat e rimbursimit të premten.
Vendimi i gjykatës, i nxitur nga shumica e saj konservatore, mbështeti një ligj të Misisipit që ndalon abortin pas 15 javësh. Ndërkohë, disa shtete të udhëhequra nga demokratët po lëvizin për të forcuar aksesin ndaj abortit.
Ligjvënësit e shtetit në Teksas kanë kërcënuar tashmë Citigroup Inc (CN) dhe Lyft, të cilat kishin njoftuar më herët politikat e rimbursimit të udhëtimit, me pasoja ligjore. Një grup ligjvënësish republikanë në një letër muajin e kaluar drejtuar shefit ekzekutiv të Lyft, Logan Green, tha se Teksasi “do të ndërmarrë veprime të shpejta dhe vendimtare” nëse kompania e udhëtimit zbaton politikën.
