Dikur portierë të dalluar sportivë, ndërsa sot vazhdojnë të përcjellin sportin.
Selajdin Hajdini e Sami Çerkini, e kanë një dashuri të përbashkët: Sportin!
Si Sela e si Samiu, nuk munden pa sport, e kanë dashuri shpirtërore!
Hajdini ka qenë portier i dalluar i futbollit në ekipin e ish Borcit të Ferizajt, ndërsa Çerkini portier i shquar i hendbollit, duke mbrojtur për ish Borcin edhe në ligën e parë ish jugosllave dhe portier e trajner kampionë me Kastriotin.
Sot i mundon një gjë si Selën si Samiun, nuk pajtohen me gjendjen që po kalon sporti në përgjithësi, duan me shumë cilësi e rivalitet.
Sela e Samiu, janë shokë jo vetëm sportivë, kudo të respektuar.
Kur takohen kuvendojnë për sportin, shpesh kujtojnë kohërat e arta të tyre.
Krejt në fund, Sela është karikaturist i shquar dhe shumë herë i portretizon sportistët.
