Justin Bieber thuhet se është shumë i shqetësuar për gruan e tij, Hailey Bieber pas situatës së saj të fundit shëndetësore.
Modelja, 25 vjeçe, u shtrua në spital në Palm Springs të Kalifornisë, për një urgjencë mjekësore të enjten e kaluar.
Hailey u shtrua në spital me simptoma të ngjashme me goditjen në tru, të shkaktuara nga një mpiksje gjaku në tru, tha ajo më vonë në një deklaratë të shtunën (12 mars).
Foto: Getty Images
Tani, një burim për
People
tha se Justin, 28 vjeç, e ka pasur të vështirë të përballet me shtrimin në spital të gruas së tij.
“Hailey nuk do që askush të shqetësohet për të, por ishte një situatë e tmerrshme për të dy. Justin është ende shumë i shqetësuar. Ai mezi fle. Ai qëndron zgjuar duke e parë ndërsa ajo pushon”, tha një burim i afërt me çiftin.
Ndëerkohë, Hailey detajoi gjithë përvojën e hidhur në një deklaratë të shpërndarë në InstaStory gjatë fundjavës, shkruan People.
“Të enjten në mëngjes, isha ulur në mëngjes me burrin tim kur nisa të kisha simptoma të ngjashme me goditjen në tru dhe u dërgova në spital”, ka shkruar ajo.
“Ata zbuluan se kisha pësuar një mpiksje gjaku shumë të vogël në trurin tim, gjë që shkaktoi një mungesë të vogël oksigjeni, por trupi im e kishte kaluar vetë dhe u shërova plotësisht brenda pak orësh. Megjithëse ky ishte padyshim një nga momentet më të frikshme që kam kaluar ndonjëherë, tani jam në shtëpi dhe jam mirë, dhe jam shumë mirënjohëse dhe falënderuese për të gjithë mjekët dhe infermierët e mrekullueshëm që u kujdesën për mua!”, tha tutje modelja.
Foto: Getty
Hailey më pas falënderoi ndjekësit e saj për mesazhet e tyre, duke shtuar: “Faleminderit të gjithëve që ju kanë arritur me urime dhe shqetësime, dhe për gjithë mbështetjen dhe dashurinë”.
Sfida shëndetësore e Hailey vjen pasi Justin rezultoi pozitiv me coronavirus muajin e kaluar. Këngëtari i “Love Yourself” tashmë është shëruar nga COVID-19.
Justin u kontraktua me COVID-19 në shkurt dhe duhej të shtynte data të shumta koncertesh në turneun e tij “Justice World”.
Këngëtarit gjithashtu iu desh të anulonte shfaqjen e tij në Las Vegas, e cila më vonë u shty për në 28 qershor.
/abc24.al/
