Ka përfunduar pas pesë orësh marrja në pyetje në SPAK e Kryebashkiakut të Fierit, Armando Subashi.
Kryebashkiaku Subashi ishte thirrur si deklarues në kuadër të hetimit të çelur për inceneratorin e Fierit.
Lajmi është bërë i ditur për BalkanWeb nga gazetarja Klodiana Lala, duke iu referuar Prokurorisë së Posaçme.
Subashi ka dhënë për plot 5 orë shpjegimet e tij për këtë çështje. Ndërkohë që një ditë më parë, SPAK ka pyetur edhe deputetin socialist, Alqi Bllako.
