Grabitën shuma parash në 2 biznese, arrestohen dy të rinj në Tiranë

0
Gjigandi
Dy persona janë arrestuar nga policia e Tiranës, pasi kanë grabitur 2 biznese.

Burime për mediat bëjnë me dije se dy të rinj, të moshësh 20 dhe 28 vjeç kanë vjedhur rreth 5 milionë lekë në një dyqan dhe në një pastiçeri.

Njoftimi i policisë

Vodhën shuma parash në 2 biznese të ndryshme, identifikohen dhe vihen në pranga brenda pak orësh, 2 autorët e dyshuar.

Sekuestrohen shumat e parave të vjedhura.

Specialistët për Hetimin e Krimeve të Komisariatit të Policisë Nr. 2 si dhe specialistët për Hetimin e Krimeve në Komisariatin e Policisë Nr. 4, në vijim të punës për goditjen e paligjshmërive në fushën e vjedhjes së pronës dhe pasurisë, identifikimin e autorëve dhe vënien e tyre para përgjegjësisë ligjore, pas njoftimeve të marra për vjedhje në 2 biznese në kryeqytet, kanë organizuar menjëherë punën për identifikimin dhe kapjen e autorëve të tyre.

RonaTyra

-Shërbimet e Komisariatit të Policisë Nr. 2, bazuar në provat e grumbulluara, kanë identifikuar, kapur dhe arrestuar shtetasin F. Sh., 28 vjeç, banues në Tiranë, pasi ka vjedhur shumën 5 milionë lekë të vjetër, në një biznes (pastiçeri). Gjatë kontrollit të banesës së të arrestuarit, shërbimet e Policisë gjetën dhe sekuestruan në cilësinë e provës materiale, shumën e parave të vjedhura.

-Gjithashtu, specialistët për Hetimin e Krimeve të Komisariatit e Policisë Nr. 4 kanë identifikuar, kapur dhe arrestuar shtetasin S. D., 20 vjeç, banues në Tiranë, pasi dyshohet se ka vjedhur shumën 50 000 lekë të rinj, në një dyqan në rrugën “5 Maji”, shumë e cila u sekuestrua nga shërbimet e Policisë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu