Krishtlindjet sollën poshtë pemës së Cristiano Ronaldos një dhuratë nga Georgina, të cilën kampioni portugez donte menjëherë ta përjetësonte dhe ta ndante me gjysmë miliardi ndjekësit e tij, përmes rrjeteve sociale.
Është një makinë që meriton garazh luksoz dhe ekskluziv, konfirmon pasionin e shfrenuar për motorët nga CR7. Edhe në këtë rast, ajo nuk u zgjodh rastësisht, duke përfaqësuar një tjetër perlë me katër rrota që shumë pak mund të mburren se e zotërojnë.
Sigurisht që nuk është hera e parë që Georgina i bën një dhuratë të tillë pjesës tjetër të zemrës së saj, pasi më parë, për ditëlindjen e 37-të, më 5 shkurt, i kishte dhuruar tashmë pesë herë fituesit të “Topit të Artë” një ‘Cadillac Escalade’ me shkëlqim për rreth 300 mijë euro.
View this post on Instagram
A post shared by Georgina Rodríguez (@georginagio)
Madje edhe më herët, për 35 vjetorin e tij, Georgina i kishte dhuruar një ‘Mercedes Brabus G-Class’ me vlerë 600.000 euro, të prodhuar në një pjesë të vogël të ekzemplarëve të aksesueshëm për publikun. Një “ritual” që vetë CR7 e priti me entuziazëm edhe në këtë rast, duke postuar foton dhe një dedikim direkt: “Faleminderit dashuria ime!”
Kështu Georgina ka dashur ta mahnisë edhe një herë Cristianon, pasi vetëm pak ditë më parë kishte publikuar në profilin e saj në Instagram disa imazhe nga dhuratat e shumta që prisnin nën pemë familjen tashmë të madhe të Ronaldos. Dhurata e veçantë për futbollistin me siguri do të ketë goditur në shenjë, duke e njohur mirë pasionin e Cristianos. Ajo kushton rreth 350 mijë euro.
Makina e bardhë, e ‘paketuar’ me një hark të madh të kuq, është në fakt një ‘Rolls-Royce Dawn’ i jashtëzakonshëm, një nga modelet më të njohura dhe që në mars 2022 u bë edhe më i veçantë, pasi u njoftua se autoprodhuesi nuk do të pranonte më porosi për këtë model.
Modelet më të fundit ‘Wraith’ dhe ‘Dawn’ u prodhuan në vitin 2021 dhe, pas porosive të marra, padyshim në numër të kufizuar gjatë vitit 2022, ato nuk do të largohen më nga linja e montimit të ‘Rolls Royce’.
Prandaj është një dhuratë ekskluzive dhe shumë e rrallë; e pajisur me një motor 6.6 litërsh bi-turbo V12 dhe me një kuti marshesh me 8 shpejtësi. Ky ‘Rolls-Royce’ është i aftë të japë 570 kuaj fuqi, mundëson përshpejtimin nga 0 në 100 km/h në më pak se pesë sekonda. Të gjitha për një shifër rreth 400 mijë euro.
Tri dhuratat e fundit të vitit 2022 (Cadillac, Aston Martin dhe ky Roll-Royce) në fakt do të futen mes makinave të tjera shumë të shtrenjta, si Bentley Flying Spur me vlerë gati 300 mijë euro dhe dy Bugatti (Veyron dhe Chiron) me vlerë 2.5 milionë e 2 milionë euro, si dhe një McLaren Senna shumë të rrallë, me vlerë pak më shumë se 1 milionë euro.
Nuk duhet harruar një Ferrari F12 TDF (për rreth 2 milionë) dhe një Ferrari Monza SP2 (për mbi 1.5 milionë euro).
