Gjykata e Apelit ka urdhëruar Prokurorinë që të regjistrojë procedimin penal dhe të nisë hetimet në lidhje me infektimin me HIV të një foshnje në Qendrën Spitalore Universitare Nënë Tereza.
Apeli mësohet se ka urdhëruar gjykatën që të hapë çështjen e foshnjës me HIV, pas insistimit të familjes.
Prindërit kanë denoncuar infektimin e foshnjës së tyre me HIV gjatë mjekimit në QSUT. Përpara kamerave ata kanë rrëfyer se fëmija 1 vjeç ishte shtruar në pediatri në Nëntor të vitit 2021 pasi vuante nga bronkopneumonia dhe dyshimet e tyre janë se është infektuar pikërisht në spital, duke qenë se të dy prindërit rezultojnë negativ.
