Mbreti Charles III ka mbajtur fjalimin e tij të parë si mbret para anëtarëve të Dhomës së Komunave dhe Dhomës së Lordëve. Përshëndetjet u paraprinë nga anëtarët e të dy organeve të cilët nderuan mbretëreshën Elizabeth me fjalimet e tyre dhe gjithashtu shprehën respektin e tyre për mbretin e ri. Charles III tha përpara deputetëve se ishte “thellësisht mirënjohës” pasi zbuloi se çfarë personifikonte Mbretëresha Elizabeth për të, popullin e tij dhe mbarë botën. Më tej monarku i Britanisë së Madhe theksoi rolin e veprimtarisë parlamentare por edhe mbretërore për përmirësimin e jetës së të gjithë qytetarëve.
“Zotërit e mi dhe anëtarë të Dhomës së Komunave, ne mblidhemi sot në kujtim të hapësirës së jashtëzakonshme të shërbimit të përkushtuar të Mbretëreshës ndaj kombeve dhe popujve të saj. Madhëria e saj e ndjerë “u zotua t’i shërbejë vendit dhe popullit të saj e të ruajë parimet e çmuara të qeverisjes kushtetuese që qëndrojnë në zemër të kombit tonë“,-thotë ai.
Ajo jep një shembull të detyrës vetëmohuese, të cilën, me ndihmën e Zotit dhe këshillën tuaj, jam i vendosur ta ndjek me besnikëri”,- shtoi Mbreti. Charles III u shpreh se nëna e tij ka qenë një frymëzim duke theksuar se bashkë me popullin britanik do të nderojnë kujtimin e mbretëreshës Elizabeth II, e cila ishte monarkja më jetëgjatë.
“Gjatë gjithë jetës së saj, Madhëria e Saj Mbretëresha – Nëna ime e dashur – ishte një frymëzim dhe shembull për mua e për të gjithë familjen time. Ne i detyrohemi asaj borxhin më të përzemërt që çdo familje mund t’i ketë nënës së tyre; për dashurinë, drejtimin dhe shembullin e saj. Unë i bëj homazhe kujtimit të nënës sime dhe e nderoj jetën e saj të shërbimit. E di që vdekja e saj sjell pikëllim të madh për shumë prej jush dhe unë e ndaj ndjenjën e humbjes së mamasë me ju të gjithë. Brenda pak më shumë se një jave, ne do të mblidhemi si një komb, si një Komonuelth dhe në të vërtetë një komunitet global, për të përcjellë nënën time të dashur. Në pikëllimin tonë, le të kujtojmë dhe të marrim forcë nga drita e shembullit të saj”.- vijon Charles III.
Mamasë time të dashur, ndërsa fillon udhëtimin tënd të fundit të mrekullueshëm për t’u bashkuar me babin tim të dashur të ndjerë, dua thjesht ta them këtë. Faleminderit për dashurinë dhe përkushtimin tuaj ndaj familjes sonë dhe ndaj familjes së kombeve që ju keni shërbyer me kaq zell gjatë gjithë këtyre viteve. Fluturimet e Engjëjve të këndojnë në prehjen tënde”,- u shpreh mbreti Charles III.
Kryeministrja britanike Liz Truss dhe lideri i opozitës Keir Starmer ishin gjithashtu të pranishëm në Uestminster Hall, ku u zhvillua ceremonia. Në krah të mbretit Charles III ishte gruaja mbretërore, Camilla. I shoqëruar nga bashkëshortja, mbreti do të udhëtojë më vonë në Edinburg.
