Një aksident i rëndë është shënuar në Turqi, ku për pasojë 2 persona kanë humbur jetën dhe 25 të tjerë kanë mbetur të plagosur.
Autobusi me pasagjerë humbi kontrollin, doli nga rruga dhe u përmbys në zonën e quajtur Gurun të Sebastias, në Turqinë Lindore.
Sipas mediave vendase aksidenti ka ndodhur në orët e para të mëngjesit të sotëm, ndërsa në vendngjarje kanë shkuar ekipet e shpëtimit, zjarrfikëses, policisë dhe xhandarmërisë.
Ekipet kanë thyer xhamat e autobusit dhe kanë shpëtuar pasagjerët e bllokuar.
Të plagosurit janë dërguar me ambulancë në spitalet e afërta, ndërsa kanë nisur hetimet për zbardhjen e plotë të ngjarjes.
j.l./ ABC24.AL
