Tendinat janë një masë fibrash të pasura me kolagjen të cilat lidhin muskujt me kockat dhe mundësojnë lëvizjen e gjymtyrëve. Tendinat janë në të gjithë trupin, duke përfshirë shpatullat, krahët, kyçet, ijet, gjunjët dhe kyçet e këmbës. Ato transferojnë forcën nga muskujt në kocka duke bërë të mundur lëvizjen. Nivelet e larta të sheqerit në gjak që mund të luajnë një rol në nxitjen e problemeve me tendinat. Së fundmi mjekët shpjegojnë se sëmundje si diabeti mund të çojnë në dobësimin dhe shkatërrimin e kësaj mase fibrash. Duke marrë parasysh funksionin kryesor që tendinat kanë në lëvizjen e njeriut dëmtimi i tyre shkakton dhimbje të mëdha.
Dëmtimi i tendinave nga diabeti i tipit 1 dhe 2 është një simptomë e përhapur e kësaj sëmundje. Tek njerëzit e prekur nga diabeti prodhohet me shumicë një substancë e quajtur glycation, kjo substancë është një lloj proteine dhjamore që lëshohet në gjak. Megjithëse trupi arrin të prodhojë gjatë gjithë kohës një sasi të saj, kur përzihet me sheqerin e shtuar në gjak mund të jetë të dëmshme. Duke qënë se tendinat janë fibra me përbërje kolagjeni, kushtet që krijohen kur vuani nga diabeti arrijnë të ndryshojnë strukturën e tyre. Zakonisht ato do të trashen dhe nuk do të arrijnë të kryejnë si më parë funksionin e tyre duke shkaktuar dhimbje.
Disa probleme me tendinat që mund të merrni nëse nuk e mbani nën kontroll diabetin tuaj janë:
Shpatulla e ngrirë: Ngurtësi dhe dhimbje që ndodh kur një kapsulë që rrethon tendinat dhe ligamentet në nyjen tuaj trashet.
Gishti i këmbës: Gishti juaj mbërthehet në një pozicion të përkulur dhe drejtohet me një kërcitje.
Sindroma e tunelit të kyçit të dorës: Ju keni mpirje, ndjesi shpimi gjilpërash dhe dobësi në kyçin tuaj për shkak të presionit në nervin që kalon nëpër të.
Kontraktura e Dupuytren: Trashje e indit nën lëkurën e dorës suaj që bën që gishtat tuaj të përkulen drejt pëllëmbës suaj.
Si mund ta mbani në kontroll?
Një ndër mënyrat më të mira për ta parandaluar diabetin është aktiviteti fizik. Ndonëse kjo mund të bëhet shumë e vështirë nëse keni dhimbje tendinash. Gjithsesi mbajtja nën kontroll e sëmundjes duke u kujdesur për ushqimin, duke marrë këshillat e mjekut është shumë e rëndësishme. Nëse arrini të ulni nivelin e sheqerit në gjak do të thotë që keni shpëtuar edhe tendinat tuaja.
Nëse tashmë keni dëmtim të tendinës, pyesni mjekun tuaj për trajtime si këto:
Lehtësuesit e dhimbjeve si aspirina ose ibuprofeni, relaksuesit e muskujve, terapi fizike dhe ushtrime, apo vendosja e akullit në zonën e dëmtuar./ WebMD
