Zikaltrit në fund të renditjes e Milani mes më të rinjve, Interi ka formacionin më të plakur të Serisë A

0
Gjigandi

Cila është skuadra me moshën mesatare më të lartë në Serinë A dhe jo vetëm? Këtë të dhënë e saktëson Observatori Futbollistik “CIES”, i cili ka bërë një analizë të thelluar mbi 60 liga të ndryshme të botës (jo për Shqipërinë), ku në fund të vëzhgimit ka rezultuar: Valencia është skuadra më e re e Europës me 23.99 vjeç, e cila paraprin Shtutgartin me 24.22 vjeç, ndërsa anglezët e Sauthemptonit mbyllin podiumin me 24.4 vjeç.

Por nëse fokusohemi vetëm te Seria A, skuadra më e re rezulton Leçe me 25.31 vjeç, ndërsa surprizën e bën Interi, i cili me 29.13 vjeç është formacioni më i plakur i elitës së futbollit italian.

Zikaltrit kanë një mesatare të lartë veteranësh në skuadrën e tyre, ku spikasin pa dyshim Samir Handanoviç dhe Edin Xheko, por edhe lojtarë të tjerë si De Vraj e Darmian, që i kanë lënë pas të 30-at.

Ndërkohë, për sa u përket formacioneve të tjera, Juventusi është gjithashtu pjesë e fundit të “renditjes” me një moshë mesatare prej 27.68 vjeçësh, por akoma më “keq” janë Roma dhe Lacio respektivisht me 28.14 dhe 28.85 vjeç.

Ndërkohë, Milani duket se e ka të ardhmen e garantuar, duke qenë se është pjesë e skuadrave më të reja të renditjes, e pesta me 25.91 vjeç, ndaj mund të shohë me më shumë qetësi drejt së ardhmes, ashtu sikurse edhe Napoli, në mes të tabelës, me 26.65 vjeç.

RonaTyra

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu