Një vajzë e re 23-vjeçare në lule të moshës, është ndarë nga jeta pak orë pasi u bë nënë. Ngjarja ka ndodhur 5 ditë më parë në kryeqytet dhe nuk është bërë publike në asnjë prej mediave.
Heris Meçe lindi djalin e saj më datë 14 shkurt dhe në mbrëmje gjeti vdekjen tragjike. Ra në koma 13 orë pas lindjes dhe në të gdhirë e hëna ajo ndërroi jetë.
Burime ekskluzive për JOQ bënë me dije se e reja gjeti vdekjen pasi mjekja përgjegjëse e spitalit privat nuk i kishte bërë gjilpërën e hollimit të gjakut pas lindjes. Pasi lajmi u bë publik, qytetarë të shumtë ishin në dijeni se ngjarja e rëndë kishte ndodhur në Spitalin Amerikan.
Pas komenteve të qytetarëve, JOQ Albania tentoi të kontaktonte me spitalin në fjalë për të marrë një reagim zyrtar mbi ngjarjen apo motivet e vdekjes të së resë, por në faqen e Spitalit Amerikan apo në rrjetet sociale të tij, nuk gjendet asnjë email zyrtar përveç një numri telefoni fiks.
Ngushëllime familjarëve dhe të afërmve të vajzës!
Burimi: Joq Albania
