Është shtyrë për të shtatën herë radhazi gjyqi ndaj deputetit Ervin Salianji.
Gjyqi ishte caktuar të zhvillohej në ditën e tij të lindjes, këtë të hënë në orën 13:30, por në një njoftim zyrtar u bë me dije se për shkak se një nga anëtarët e trupit gjykues nuk do të jetë prezent, seanca nuk do të zhvillohet.
Salianji u shpall fajtor për veprën penale ‘kallëzim i rremë’ në lidhje me çështjen “Babale” dhe u dënua me një vit burg nga gjykata e Shkallës së Parë.
Njoftimi i plotë:
Sot me datë 16.01.2023 ora 13:30, është planifikuar seanca gjyqësore e çështjes penale ndaj te pandehurve Ervin Salianji, etj.
Ju komunikojmë se dhe sot për arsye objektive një nga anëtaret e trupit gjykues nuk do të jetë i pranishëm.
Në kushtet e mësipërme, seanca gjyqësore nuk do të mund të zhvillohet.
Dita dhe ora e seancës së ardhshme do të komunikohet sapo të caktohet.
j.l./ dita
