Në manifestimin që po organizohet sot nga presidenti Meta, janë marrë masat e sigurisë.
Rreth një mijë punonjës rendi janë vendosur rreth institucioneve publike për të siguruar mbarëvajtjen e manifestimit.
Bëhet me dije se policia ka dhënë vetëm 2 orë leje për organizatorët nga ora 17 deri në orën 19 dhe është vetëm kjo fasha orare kur bulevardi “Dëshmorët e Kombit” do të jetë i bllokuar.
Presidenti i vendit, Ilir Meta prej ditësh bën thirrje për qytetarët që të jenë pjesë e manifestimit të sotëm në bulevard me synim mbrojtjen e Kushtetutës kundër oligarkisë dhe mbrojtjen e të të drejtave të tyre.
