Sebahate Pacolli – Krasniqi nga Qendra për Rehabilitimin e Viktimave të Torturës, ka thënë që kanë adresuar një listë me kërkesa tek Qeveria dhe Presidenca, me rastin e 14 Prillit – Ditës së të Mbijetuarave të Dhunës Seksuale gjatë luftës së fundit në Kosovë.
Në mesin e kërkesave është që viktimat që aplikojnë për njohjen e statusit të tyre, të mos kufizohet në 5 vjet, por të jetë e drejtë e përhershme e garantuar me ligj.
Këtë deklaratë, Pacolli – Krasniqi e ka thënë në kuadër të emisionit “News Talk”.
Ajo ka treguar po ashtu se është kërkuar që dita e 14 Prillit të njihet ligjërisht si ditë zyrtare memoriale për Viktimat e Dhunës Seksuale gjatë luftës në Kosovë.
