Georgina Rodríguez ndodhet tashmë në Arabinë Saudite për të shoqëruar Cristiano Ronaldon në aventurën e tij të re në futboll. Sulmuesi portugez u prezantua dje me Al-Nassr dhe në një moment kaq të jashtëzakonshëm ai kishte shoqërinë e modeles dhe katër fëmijëve të tij në fushën e “Mrsool Park” në Riad.
Atje, Georgina veshi xhinse të ndezura me një golf të zi, por gjëja më e habitshme ishte “tundja e kokës” për gratë arabe falë një tunike që mbulonte duart e saj nga supet deri te kyçet.
Shumë përdorues kërkuan të dinin se nga kishte ardhur tunika dhe cili ishte çmimi i saj. Vetëm pak kohë pas prezantimit doli në dritë ky detaj i veçantë: tunika prej kadifeje i përket firmës ‘Dollab Line’ dhe kushton 440 euro (1700 rijalë Katari).
“E çmuar, Georgina Rodríguez duket absolutisht mahnitëse me ‘Dollab Line’”, – është shprehur firma përmes Instagramit, duke publikuar disa imazhe të modeles. Brenda vetëm pak orësh katërfishoi numrin e ndjekësve në rrjetin social të lartpërmendur, numër ky që vazhdon të rritet pavarësisht se Georgina nuk i ka bërë asnjë referencë në internet.
Influencuesja e kompletoi look-un me një çantë ‘Hermès’ dhe unazë spektakolare diamanti të kurorëzuar me një safir, një aksesor që ABC e vlerësonte në më shumë se 800 mijë euro në atë kohë.
