Ueb-faqja flightradar24 e specializuar në përcjelljen e aeroplanëve nëpër botë, ka njoftuar se udhëtimin e Babadimrit e kanë përcjellë mbi një milion përdorues nga e mbarë bota.
Madje autoritetet e Ukrainës kanë njoftuar se Babadimri është ndjerë i sigurt edhe në qiellin e Ukrainës, siç edhe mund të shihet në hartën e publikuar nga kjo ueb-faqe.
Forcat Ajrore të Ukrainë kanë bërë të ditur se fluturaket e tyre kanë realizuar patrullime rutinore, për t’u siguruar që Babadimri të mos ketë ndonjë problem gjatë rrugëtimit.
Operacioni i patrullimit sipas Kievit është quajtur “Santa1”, që kishte për qëllim të mbrojë hapësirën ajrore mbi Ukrainë nga ndonjë sulm i mundshëm nga rusët.
Ndryshe kjo ueb-faqe ndiqet nga miliona njerëz në mbarë botën, që transmeton në kohë reale lëvizjet e aeroplanëve në mbarë globin.
