Prokuroria e Përgjithshme bëri publike dje faktin se kandidati i Edi Ramës në Vorë, Agim Kajmaku është i njëjti person me Jorgo Toton, i arrestuar në Greqi në vitin 2003. Por Kajmaku i cili kandidoi i vetëm në votimet e 30 qershorit, nuk e kishte deklaruar në formularin e dekriminalizimit se ishte arrestuar për para false. Faktet e publikuara dje nga prokuroria kanë vërtetuar edhe akuzat e ngritura nga PD-ja ndaj kandidatit të Ramës në Vorë. Pasi Prokuroria bëri publike faktet, është bërë edhe një kërkesë në KQZ, në lidhje me mandatin e Agim Kajmakut. Por pikërisht këtu ka nisur edhe loja e institucionit të akuzës për të shpëtuar Kajmakun e Edi Ramës. Në kërkesën e dërguar në KQZ, burime për SYRI.net kanë bërë të ditur prokuroria ka luajtur me hapësirat ligjore që i janë mundësuar. Sipas prokurorisë, Agim Kajmaku nuk bën pjesën në ndalimet e ligjit të Dekriminalizimit të miratuar nga Parlamenti. Sipas prokurorisë kandidati i Ramës në Vorë është në kushtet e vendimit të Kuvendit. Prokuroria thotë se çështja e heqjes së mandatit për mos deklarimin e ndalimit është tek vendimi i Kuvendit, dhe nuk është pjesë e miratimit të ligjit të dekriminalizimit. Por sa qëndron ky pretendim i prokurorisë. Burimet kanë sqaruar se rasti i Agim Kajmakut është identik me dy rastet e ish-deputetëve Aqif Rakipi i PDIU-së dhe Gledion Rehovica i LSI-së. Të dy ish-deputetët akuzoheshin nga prokuroria se nuk kishin deklaruar se ishin ndaluar më herët jashtë Shqipërisë. Për të dy deputetët që janë i njëjti rast si i Agim Kajmakut, në atë kohë prokuroria kërkonte heqjen e mandatit për të deputetët. Siç duket tani vendimi për Agim Kajmakun, është në dorën dhe vullnetin politik të vetë Edi Ramës. Janë anëtarët e PS-së në KQZ ata që do të vendosin nëse Kajmakut do ti hiqet mandati që ka marrë në votimet e 30 qershorit apo jo. Vendimi për kandidatin e Vorës pritet që të merret brenda kësaj jave, në një mbledhje që do të thirret nga KQZ-ja. Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!
