Liverpool-i mbyll blerjen e Darwin Nunez. Benfica gjatë natës zyrtarizoi kalimin e sulmuesit uruguajan te “Reds” për një shumë prej 75 milionë eurosh fikse.
Shifra, siç bën të ditur vetë klubi luzitanian përmes një njoftimi për shtyp të publikuar në faqen e tij, përfshin edhe pagesën e një bonusi të ndryshueshëm deri në 25 milionë euro. Pra, shuma totale e shitjes mund të arrijë në 100 milionë euro.
Një goditje në sulm e Jurgen Klopp, gati për të mirëpritur lojtarin e lindur më 1999, pasi e kishte vuajtur si kundërshtar në çerekfinalet e Ligës së Kampionëve të fundit.
Nunez shënoi dy gola ndaj “Reds”, një në ndeshjen e parë dhe një në kthim, por tani do t’i duhet të bindë trajnerin e ri me golat për fanellën e Liverpool-it.
Një blerje që hap një shitje të mundshme të Sadio Mané, me senegalezin që ka shprehur synimin e tij për të ndryshuar peizazh.
Përparimi i Darëin Núñez në vitet e fundit ka qenë i pandalshëm, nga Almería te Liverpool. 22-vjeçari ka shënuar 34 gola në 41 ndeshje në sezonin e fundit, në të gjitha garat për Benfica, e cila pagoi 24 milionë euro për ta marrë atë në verën e vitit 2020.
Ky transferim i madh i Benfica shijon edhe për Almería, e cila do të marrë 20% të shumës. Pra, rreth 20 milionë për arkën e klubit spanjoll, i cili nënshkroi me Darvin për 13 milionë euro nga Peñarol dhe e shiti për 24 milionë një vit më vonë.
